.
一入門口有個錦鯉魚池，中間有條小橋，俾人感覺好似去咗旅行咁，好清新好放鬆，環境真係好適合同朋友享受一個晏晝🗣️
.
▪️法式焗田螺
田螺一碟有12粒，仲要每個都好大粒，香草味好濃😍口感彈牙，底部薯蓉勁軟滑，一啲都唔馬虎👍🏻我哋清哂全部薯蓉😂
.
▪️酥皮龍蝦湯配蒜茸包
酥皮好香口，最勁嘅係，俾我影咗大半個鐘相，個酥皮仍然好香脆😂 個湯係好濃郁嘅龍蝦味，好抵飲
.
▪️芝士焗大蝦 配香草蕃茄醬意粉
大大層芝士鋪喺龍蝦上面，配埋新鮮嘅龍蝦，口感彈牙，蕃茄意粉又開胃，感覺好滿足
.
▪️燒美國安格斯肉眼扒
塊扒好大份，揀咗7成熟，肉質嫩滑唔鞋口，配埋燒汁同芥末醬 好惹味
.
▪️棉花糖特濃朱古力
超濃郁嘅朱古力味，口感好柔滑，加埋大大粒嘅棉花糖，啲味溶埋一齊好香甜
.
🌟 始終係郊外地方，着短裙短褲嘅最好噴定蚊怕水，我哋冇準備定蚊怕水，店員仲好貼心咁提供俾我哋，讚👍🏻
