呢間餐廳有午市套餐, 主打喇沙同椰漿飯, 咁緊係飯同麵都叫哂黎try try。因為屋企人唔太食海鮮, 所以叫左個豬頸肉喇沙, 食落唔錯, 有椰香同咖哩香, 仲要唔太辣, 岩哂我呢啲怕辣但又鍾意食辣既人士
。佢地仲有好正宗既做法, 將米粉同福建麵一齊煮, 食落有唔同口感, 大推! 另外叫左個印尼炒飯, 炒飯都ok同乾身, 最正係佢有配埋串燒, 蝦同蝦片,全部都不錯, 諗住下次黎試埋個南乳雞翼椰漿飯。
因為太餓仲有叫左啲小食, 力推絲網春卷, 新鮮炸起仲熱辣辣, 入面好似有芋蓉同肉粒, 口感一流
! 飲品加15蚊可以叫埋台式特飲, 宜家好興既黑糖珍珠鮮奶都有, 大大杯抵過喺出面飲。
