郭仔記粥麵專家

聽聞大埔有一間湯底唔落味精既車仔麵店，湯底係由自己親自新鮮熬制，而家食物選擇多港味濃，有碗仔翅、腸粉燒賣、沙嗲牛柏葉，魷魚、粥、芝士撈麵，真係搞到頭都大埋唔知食邊款好，最緊要既係就連車仔麵既配料都有排你揀!

我叫左一碗辣咖哩魚蛋豬軟骨鮑汁鳳爪米粉，哩3款餸都好入味而且份量都唔少,魚蛋係我最愛既陳皮魚蛋再加個秘製辣汁，好HK style,豬軟骨啖啖肉，鮑汁鳳爪就算浸左湯都唔會分薄左佢嘅味道，好入味一啜d骨就甩哂！而且佢嘅米粉係爽口唔係平時鞋颯颯個隻，唔錯喔！

另一碗係蘿白鮑片貢丸米線比較清淡先試到佢個湯底，湯底帶d甜味，蘿白係好好味，超甜的！

本土小店當然要支持下，由其是由細食到大既風味～