呢間燒味店有自家工場，客人仲可以預先落單。店家會即時製作，保證新鮮。
見到店內有燒鵝嘅燒烤爐，會現場烤製燒鵝、叉燒等美食。
燒鵝脾下庄：皮香脆肉質又滑又軟，肥瘦勻稱，一咬即有鵝油標出，正呀！加埋酸酸甜甜嘅梅子醬，同燒鵝搭配，更加好味。
叉燒：我堅鍾意食叉燒，呢度嘅叉燒都令人好有驚喜。色澤光鮮，入口軟熟多汁，半肥瘦比例啱啱好，蜜汁味道令叉燒更加惹味。
燻蹄：味道適中，唔會太淡又太over，都唔會太肥。
除咗燒味，店家仲提供豐富嘅滷味，可以自選滷味拼盤、豆腐、紅腸等加餸。
食物美味可口，價錢又實惠，下次再經過大埔，一定會再幫襯！
