正宗印度餐廳及酒吧 (銅鑼灣道)

营业中

休息中

今日入咗大坑閒 hea，想食啲刺激啲嘅，見呢間印度餐廳乾淨企理又抵食，就入咗嚟試吓。前菜薄脆，嗌完嘢食前菜就即刻送上，薄脆帶有少少嘅胡椒同埋薄荷味，隨附嘅四款醬汁都各有特式，輪住嚟點，相當過癮。香辣薯仔沙律，呢個薯仔沙律真係超級開胃，個醬汁酸得嚟有少少辣，而且帶有黑椒同淡淡嘅薄荷嘅香味，材料除咗薯仔之外仲有鷹咀豆、蕃茄、洋葱、青瓜、生菜同芫荽，非常豐富。咖喱小鍋(雞) 及蒜蓉烤餅，呢個咖喱雞嘅味道十分特別，有少少似咕嚕肉，不過又有啲印度香料味，係一個印度版嘅咕嚕肉；咖喱雞嘅肉質非常嫩滑，淨食都唔會話太濃味，若然攞嚟點埋個烤餅簡直相得益彰，烤餅熱辣辣，加上香濃嘅蒜蓉味，不得之了。