小火焰韓式咖啡廳 (金山樓) (已結業)

平時都多去韓國旅行食嘢，而家疫情少去咗好傷心大圍有好多唔同嘅餐廳小店，但係要搵韓國嘢食，就選擇唔係好多…今日同朋友真係好想食下韓國嘢，因多太掛住韓國見大圍開咗間小火焰，一開張嘅時候好多人排隊，咁啱嗰日佢又唔使排隊喎，於是就入去試吓！環境幾好，播住好多韓文歌，一入到去個氣氛幾歡快！Menu有好多嘢食選擇，有套餐，有唔係套餐… 我同朋友兩個人見套餐好似幾抵食，就試咗二人套餐～前菜我哋試咗豬肉餅同炸雞沙律，豬肉餅應該真係餐廳自己做嘅，幾Juicy👍🏻主菜我哋試咗燻蹄粉絲煲！有韓式年糕，雞髀菇同埋煙韌嘅粉絲，個湯底都不錯～另外仲叫咗個芝士拉斯燒雞翼泡菜飯～味道一般，不過多芝士，雞翼都算大隻嘅～甜品我哋加錢叫咗個芒果窩夫，擺款好靚有心機！不過窩夫嘅質感就特別啲，咬開就碎碎地咁，唔似平時食開嘅窩夫咁，所以就唔特別推介啦。整體來講，餐廳環境同店員服務態度好好，食物用心製作，味道就還好。