榮耀餐廳 (已易手) 新餐厅

同小胖男友係大圍區打滾多年 但一直都唔知有一間隱藏係田心既西餐廳當日都可說係亂打亂撞下發現雖然位處既地方有點隱秘 但晚飯時間都座無虛席餐廳環境整潔 價錢亦相宜除左set dinner有餐湯餐飲外 有唔少食物都可以加錢跟餐餐湯係足料既蕃茄雜菜湯 帶點"家"既味道雖然係位於村屋下既街坊餐廳 但食物一點都唔馬虎 食物除左有家既親切感 亦不失西餐廳既質素例如肉眼扒下既配菜就有用蒜蓉炒過有香有甜另外Pizza更係出色之作 餅底又香又脆 亦夠晒足料另外老闆亦態度有善 親切有禮所以話小妹最欣賞呢類非連鎖小店 往往比大財團既連鎖食店更有heart 服務更貼心