蒲頭島 (已結業)

大圍一向都有唔少小店，呢個位置本身係連鎖品牌嘅火鍋店，而家就開咗間新嘅餐廳，環境幾大；而且仲有任食。呢度主打嘅最特別係除咗打邊爐，仲有鐵板燒，一個價錢享受兩款唔同嘅食物。首先有牛拼盤，有牛肉粒，牛肉，仲有龍蝦，呢個拼盤嘅肉質都尚算唔錯；而且份量好多。我哋有啲就用嚟打邊爐，有啲就係用來做鐵板燒。湯底揀咗杞子雞鍋幾補身，配料都幾多。海鮮叫咗蜆，細細粒容易入口。另外仲叫咗蝦及墨魚滑，餃類等等。呢度出面仲有個自助區，有唔同熟食，有炸饅頭，魚皮等等；仲有甜品、飲品，應有盡有，款式都幾多。最後仲有雪糕同埋官燕。