大喜屋 (已結業)

銅鑼灣等老公放工，當然要食番餐好既。Book 定位同老公去左好耐無去既大喜屋食放題。 一口壽司係我最愛，由傳統既三文魚到黑松露壽司都一樣咁好味。壽司唔大件，最啱我最鍾意試多幾款既壽司既人。 刺身更加要一叫再叫。所有刺身都切得好厚身，我最愛既劍魚腩夠晒肥美，食完之後啲魚油回甘夠哂正。值得一提既係帶子刺身，唔似出面個啲又薄又細又冇乜味，大喜屋個啲又大又厚，仲要好鮮甜。 軟殼蟹手卷同海膽手卷都好好味。軟殼蟹大大舊再加埋蛋黃醬，絕配。海膽夠鮮甜，份量又夠多。最抵讚既係飯既份量唔太多，完全有位俾你食其他野。 小食及飲品唔洗自己拎，寫左單就有人拎黎俾你。枝豆及螺肉送韓啤就好正。最後就緊係食埋甜品啦！重點推介就係豆腐雪糕，真係好香豆腐味。總括黎講，大喜屋係我既放題首選，味道好，上菜快，最好就係野飲唔洗自己拎。