龍門冰室 (已結業)

去屯門探朋友，佢介紹咗呢間好多分店嘅港式茶餐廳🍴去食嘢，話份量足，價錢唔會好貴，咁咪一齊去食嘢囉！比起其他分店，呢間港式茶餐廳面積唔算大，不過裝修風格都係可以叫做一致，白磚牆身咁啦⋯⋯，冇乜特別。叫左個常餐($35)，有沙嗲牛肉麵(我轉左要米粉)，鮮油多，炒蛋白，飲品就要左凍泡沫咖啡(走甜兼少冰🧊)。想講嗰份炒蛋白真係好正，用料足，大大份，厚度十足，因為冇蛋黃，唔駛擔心膽固醇超標，而且蛋白營養豐富，含有大量優質蛋白質，食多多都冇有驚，入口熱辣辣，絕對係即叫即煮，正👍。仲有嗰份鮮油多，多大自動走邊，抵讚，至緊要係多士裡面厚厚又夠凍嘅鮮牛油🧈，入口即化，外面多士又熱又夠脆，絕對冇花冇假嘅好味道呢！