海港燒鵝海鮮酒家 (已結業)

每一次同爹哋妈咪庆祝节日，佢哋好多时都系拣呢间酒楼。其实真系冇拣错因为食物水准真系唔错，而且够大碟，认真大件好味夹抵食！今次我哋就叫咗咕噜肉，花胶杂菌煲，同罗汉斋煲。咕噜肉粉唔会太厚，炸得够脆，里面juicy,又有筋位够𡁻头又够香。花胶煲起码都有六至七件花胶，足料。杂菌冇话煮得太耐林晒，而且火候做得好，唔会太油。罗汉斋煲南乳味道好香，但又唔会过咸呢间酒家水准一向都keep得到，难怪每次晚市都要排大长龙既。