藥膳刀削麵 (已搬遷) 新店位置

疫情下日日外賣自閉食已經成為新常態，作為中環返工食物鏈既最底層，100蚊個拉麵，90蚊個越南湯河實在太奢侈，一個唔覺意月頭已經變咗做長期糧尾，正當係11月以為自己中左馬矮真伏豪左幾日後，先發現夢一場，搖身一變長期糧尾。 萬念俱灰下比我係橫街搵到呢間窮人恩物，原來中環好多打工仔都食呢間，我本住一個50蚊有雞有麵有豆漿就唔問咁多試左一次。等待過程都唔算太耐（大概十分鐘），發現佢地真係好好生意，收到外賣後即時狗衝返公司開餐， 一打開呢個獅子頭藥膳刀削麵，藥材香薰香撲鼻，面條口感彈牙， 獅子球仲有三大粒！頓時覺得自己返返月頭。 希望佢生意蒸蒸日上，為我哋呢啲打工仔繼續帶黎價廉物美嘅午餐！！