星星Togo

今日叫咗星星外賣，嚟到即刻俾個便當盒嚇親，有成張A4紙咁大，應該係大過張A4紙！仲要係滿㗎喎，超級大件！一盒有四款前菜，仲有小食同主菜，一定夠飽。
啲嘢都好食喎，叫咗個飯卷，足料唔會太油，我本身最怕韓國嘢油淋淋，有蔬菜蟹柳同烤牛肉（因為我叫咗烤牛肉飯卷便當）
另外個炒雞肉飯都唔錯，重黑椒味，但都唔會話太辣，可以接受！
總括而言係抵食有驚喜，唯一美中不足嘅係，外賣嚟到都已經凍咗，但都唔係好影響個食物味道。下次有機會一定會去堂食試吓！

2