包龍星點心專家 (已結業)

食點心都會有條癮，今晚收工想快，直接買完搭車返屋企，呢間正正就係新光戲院馬路對面， 地鐵巴士一望就見到好方便。款式好多好多：蒸點心、蒸包、焗包、蒸飯、煎炸乜都有。店員好熟手執好我要既點心分成兩袋，好整齊一層層易攞，雖然外賣，但係攞到返屋企仲好夠熱辣辣。樣樣都大大件大大份真係好抵食，價錢又公道平民價。足料魚肚四寶雞扎，脹卜卜，咬落去滿口材料好豐富。最特別有一款伯爵茶榴槤流沙包，估唔到兩者係夾到個味道喎，中和 平衡返冇咁濃烈刺激。星期一至日都有每日精選優惠$3x-$4x，唔怪得之一直等緊都有人入黎排隊。