炑八韓烤 (歐亞銀行大廈) (已結業)

天氣咁熱, 想帶小朋友去玩, 但係又想舒舒服服relax下?🧐 前排我就去咗炑八韓烤親子餐廳, 小朋友有得放電, 大人又可以食吓嘢, 仲有著韓服體驗😍我哋一嚟到餐廳, 位都未安排好, 小朋友已經被個好靚嘅playroom吸引住🛝🚂 於是同佢玩咗一陣先, playroom有好多玩具, 地方好乾淨, 小朋友可以喺度玩幾個鐘😛 呢度嘅職員好Nice, 仲幫囝囝著韓服, 今次係佢第一次著, 加埋佢嘅招牌冬菇頭, 即刻變身韓仔😍 玩到咁上下, 啲食物已經安排好晒喇!! 話晒都係親子餐廳, 梗係唔少得兒童餐啦👶🏻 食物豐富, 賣相又夠吸引, 囝囝都食唔停口🤭 另外, 我特別鍾意三味牛小排, 肉質鮮嫩, 一碟仲有幾款味道俾你試👍🏻 熱情有禮嘅職員仲幫我哋燒厚切豬五花, 烤到外脆內嫩, 包住生菜食可以減低油膩感, yummy🤤 我哋臨走仲可以玩扭蛋機, 咁就過咗一個愉快嘅週末, 宜家囝囝間唔時仲會問我哋幾時再去韓烤🤣😛