更多
2020-05-17
839 浏览
之前都应该帮衬左4、5次,疫情开始到宜家都去左两次。记得之前$258,前菜小食,花胶鸡汤锅,少少海鲜,火锅,仲有糖水,食足2粒钟。某程度因为可以食2个钟舒舒服服先去左4,5次。疫情开始限4人时去过一次,已经改左$238,无前菜,无海鲜,糖水额俾$48碗先有得你吃,食1.5小时。当时个老老地男人侍应仲话啲人唔系个个都食海鲜所以平返啲,食1.5小时(好似讲到减左少少钱系企客人果边谂)。当时我仲问,之前个甜品好好食无埋?佢仲答我,可以额外叫,仲话,你钟意我送俾你食啰!Sorry, 我唔系R著数!最后我无要佢请!(当时仲叫左个蚝,其实变相加价)今日再去不过都应该都会系最后一次,花胶鸡汤啲鸡好似煲鸡粥腌咸鸡咁,汤无之前咁浓,完全唔「章」咀喇(记得第一次到饮,我都「哗」,坚「痴」咀)!本身个汤都系重头戏,但一饮第一啖已经失望!其他火锅料正常啰!另外俾钱叫左蚝同出前一丁。埋单$600。以前觉得$258,多个小食、海鲜同糖水(糖水真心好食,宜家唔知因为要俾钱🙏🏻)好似多元化,2个钟唔洗赶!基本上食埋个糖水仲有时间净。宜家大不如前,宜家咩都无晒时间cut短,连服务态度都无初初咁好,成日话要支持小店!但确
记得之前$258,前菜小食,花胶鸡汤锅,少少海鲜,火锅,仲有糖水,食足2粒钟。某程度因为可以食2个钟舒舒服服先去左4,5次。
疫情开始限4人时去过一次,已经改左$238,无前菜,无海鲜,糖水额俾$48碗先有得你吃,食1.5小时。当时个老老地男人侍应仲话啲人唔系个个都食海鲜所以平返啲,食1.5小时(好似讲到减左少少钱系企客人果边谂)。当时我仲问,之前个甜品好好食无埋?佢仲答我,可以额外叫,仲话,你钟意我送俾你食啰!Sorry, 我唔系R著数!最后我无要佢请!(当时仲叫左个蚝,其实变相加价)
今日再去不过都应该都会系最后一次,花胶鸡汤啲鸡好似煲鸡粥腌咸鸡咁,汤无之前咁浓,完全唔「章」咀喇(记得第一次到饮,我都「哗」,坚「痴」咀)!本身个汤都系重头戏,但一饮第一啖已经失望!其他火锅料正常啰!另外俾钱叫左蚝同出前一丁。埋单$600。
以前觉得$258,多个小食、海鲜同糖水(糖水真心好食,宜家唔知因为要俾钱🙏🏻)好似多元化,2个钟唔洗赶!基本上食埋个糖水仲有时间净。
宜家大不如前,宜家咩都无晒时间cut短,连服务态度都无初初咁好,成日话要支持小店!但确实失望⋯⋯
佢最好嘅一个地方就系可以电话订座!Thank you!
张贴