村爺爺龍蝦湯.泡飯.燉湯專家

以前喺附近返工，成日都會嚟村爺爺食飯，因為佢嘅龍蝦湯底好濃郁，超級惹味，不過食埋今次之後，以後應該都唔會再食。

一去到，見到人都有少少多，於是就叫外賣拎去朋友屋企食，我問姐姐可唔可以叫外賣，佢完全冇理我，我以為自己太細聲，於是乎再問多次，都係唔理，我行到佢面前再問，佢先話佢忙緊，但係明明佢只係企喺度望門口。。。

等咗20分鐘，終於拎到個外賣。

返到去一打開，見到稀到一個點嘅湯，已經心感不妙，飲落去剩係得非常少嘅龍蝦味，同以前比完全係兩回事。

我仲叫咗啲小食，牛腩乾過瘦肉，其他還好嘅，不過佢主打嘅龍蝦湯已經大不如前，服務員嘅態度又好似唔憂做咁樣，冇咩必要都唔會再去食。