因為得90分鐘所以快快手揀餐點餐，6個人就點左6個食物，炸雞必食啦，韓式甜辣炸雞同黃金鹹蛋炸雞2款雞各半份，甜辣雞我覺得一般般，個醬汁同平時食果種唔同，冇咁好食，黃金鹹蛋炸雞就好好食，好香口上面仲有D應該係紫菜粉黎，食第一啖後有叮一聲既感覺，呢個推薦。
另外仲有這點素食既：炸菇同韓式素牛肉飯捲，炸菇冇咩特別好就唔會好油，素牛肉紫菜捲就其實食唔出咩味，因為充滿住濃濃既麻油香，紫菜包飯我超鐘意點都好食！
魚糕湯賣相我就冇太大興趣，只夾左一個魚旦既東西，小斟左一啖湯就冇然後，因為太淡口冇咩特別印象，而且係SHARE食既冇碗可以滔，所以個湯都一口止冇人飲，粟米煙肉三重芝士薄餅好香既芝士，好食唔會好漏。
非常建議大家預約，鋪仔細細坐唔到幾多枱，因為得90分鐘，店員會好積極用行動通知大家睇鐘，我地未食到一個鐘，店員就密密偵測枱面進度同旋風式收碟收杯。
整體黎講食物質素可以，份量都剛剛好夠6個人一人一件咁，想食多件都冇，7-8分飽。店內裝修同氣氛都算好舒服。
