咖啡灣 (已結業)

覺得來來去去都响屋企附近食嘢，想俾對方多少少新意，所以呢輪去咗將軍澳揾食。見到呢度的裝修好有夢幻的感覺，不自覺停低响度望，他為了就我於是同我入去食番餐。我就係俾呢個以積木砌成的建築物吸引著。而裡面的設置是很少女系，讓人感覺年輕了~來到 Cafe，每人一杯飲品是常識吧~他的 蘋果峰蜜茶 味道甜甜地，粒粒蘋果令整杯飲品增添清新。而我的 金莎榛子朱古力，聞到已經係陣陣金莎朱古力味，香濃得來帶細滑。山賊雞翼以香草灑响雞翼表面，加埋蜜糖同埋辣醬兩款可以點，十分惹味。櫻花蝦明太子煙肉義大利麵好睇又好食的櫻花蝦，增加不少香味和咬口。而義大利麵索咗不少白汁，咬落係好腍身的，加埋煙肉的咸味，感覺變得開胃。香草忌廉蝦義大利麵雖然呢碟麵唔算大碟，但中蝦都有四隻，鋪滿成個碟面，隻隻都彈牙爽口。另外，中間灑滿了香草，令義大利麵多一份清新，少一份飽滯。