酌 (已結業)

自從搬咗出尖沙咀，食嘢就方便咗好多，近呢排都很會花時間睇下附近有咩好嘢食，韓國餐wishlist入面其中一間就係呢間「酌」啦😎位置喺諾士佛臺一號(好多餐廳嗰幢)，好在揀閒日兼收得早所以未算人多。餐廳好有心機裝修，有好多好韓式嘅擺設，anyway即刻order個炸雞先。韓式炸雞有幾款選擇，包括左原味、甜辣、蒜味豉油、蜜糖薑同大蔥味。既然第一次食，梗係揀咗原味先啦！唔知係唔係即叫即炸嘅關係，由落order到上枱都等左差唔多20分鐘，不過都值得等嘅，除咗好大件頭，而且味道同喺韓國炸雞店食到嘅一樣咁好味，雞皮超脆，肉質好嫩滑，即使雞胸都唔會覺得好鞋口。之後再加個韓式辣炒小八爪魚🐙，除咗主角八爪魚仔之外仲加咗芽菜、甘筍、洋蔥等等嘅配菜，食落都幾惹味，不過有成7級辣(10級滿分嘅話)，如果係煮魷魚就仲正啦！計埋另加嘅韓式餐盒同特飲，每人唔駛$250，以位置+環境+質素來講，真心幾抵食👍🏼