元朗鬼巴士 (已結業)

平時上openrice睇食評多，尋日心血來朝係旺角等朋友果陣，有D口痕，又見到夜媽媽咁夜未收喎，咪行過去打算整串試下啦，點知見到鬼巴士個老闆叫我不如樣樣都試D，咁就俾佢SELL到買左個小雜錦，等佢切果陣，我D朋友都到埋，之後我地做左大客，買左四盒。果度啲嘢食咁夜都保持得幾新鮮，又夠凍，唔知係咪因為就收工，份量勁多同樣樣食物都有晒，雖然我食唔出個醬汁係羅漢果醬，但第一次食又覺得同D野幾夾，仲有我最鍾意既芥辣，正 !老闆同老闆娘勁好人，切咗啲墨魚俾我哋試吓，話平時冇既。唔洗十分鐘就剷晒成盒，一舊都冇得剩，都唔知點再食甜品！