地茂館燒味粥麵餐廳

营业中

休息中

依家一收夜好似就無野好食咁！要食啲有質素又好食嘅茶餐廳真心所剩無幾🥲今次朋友帶我搵野食，車左我黎食地茂館！！本來我都係茶記愛好者，但呢間我真係未食過，既然佢推介得嘅，咁我就要試吓啦！近排食飯中伏太多，所以叫朋友揀野食，我地就試咗個滑蛋蝦仁同京都骨，本來真係抱住試試佢嘅心態，點知野食一上枱，已經要即刻起筷！個滑蛋蝦仁大大碟炒得又好食，蝦又彈牙，好耐無食過，唯一減分就係蔥花可以多少少！不過已經好好食，仲好對得住個價錢！之後個京都骨，酸mei mei好開胃！我直頭食晒啲菠蘿🤣原來香港深宵都仲有美食🥹真係好開心🥹