德國餐廳 (博文街)

聽聞大角嘴有間德國餐廳嘅豬手整得好好食，咁啱今日好想食啲香口野，所以我決定去試一試。附近路面冇劃雙黃線，坐車上落都好方便。

店內坐位唔算太多大約坐到20個人左右，所以嚟之前最好打去餐廳問有冇位先。

正宗嘅德國豬手，外皮焗到非常之脆，口感係較硬身，而肉質嘅膠質好豐富，配啤酒一流。

但係今日要渣車嘅關係...所以飲住杯凍檸茶先。

食完隻豬手都唔夠，食多個香蔥芝士焗薯條先，拉絲嘅芝士份量勁多，食夾帶蔥嘅香味，成條肥嘟嘟嘅薯條撩落去，超罪惡，不過勁好味。