更多
2020-11-14
554 浏览
夜晚在上环走着，路过这间汉堡小店， 被地上这个可爱的汉堡包投射灯吸引到，疫情关系街上很多食店都没有客人，街上显得份外零静。我们就走进了这里吃晚餐。「More beer up here」这里的汉堡包均可以配上啤酒，虽然天气稍凉，我们都觉得汉堡包应该要配上啤酒或汽水。 我们点了一个A餐同C餐，系叫做傻猪猪餐同不良牛餐，好搞笑，汉堡包盒上面仲有贴上猪牛嘅卡通贴纸。不良牛系经典安格斯芝士汉堡，套餐$98 ，牛肉超级多汁，我呢啲论论尽尽嘅，一咬就咇哂出嚟，好重牛肉味，中间夹咗少少芝士蕃茄洋葱，同牛肉好夹，汉堡包嘅面包都比牛油煎到好香，再索埋我块牛肉嘅汁劲好食。傻猪猪系日式照烧猪肉汉堡，套餐价都系$98 ，个猪肉系同洋葱先炒匀，再夹入去，我想讲个馅就咁食都已经几好食，加上𠮶啲照烧汁，索埋入个包度，又系好正。套餐价系可以配鸡翼或者芝士薯条或者香脆薯角，平时好多汉堡包店都要额外俾钱，呢个加$20就变套餐其实好抵因为仲有嘢饮。芝士薯条嘅芝士酱就一般啦，中规中矩，不过薯条本身好粉，好有肉地，又唔㶶。薯角又系一样，唔会炸到硬晒，又系薯肉好多，调味好好唔会太咸。间餐厅虽然唔大，不过好舒服，星期六日夜晚，中上环
夜晚在上环走着，路过这间汉堡小店， 被地上这个可爱的汉堡包投射灯吸引到，疫情关系街上很多食店都没有客人，街上显得份外零静。我们就走进了这里吃晚餐。
「More beer up here」这里的汉堡包均可以配上啤酒，虽然天气稍凉，我们都觉得汉堡包应该要配上啤酒或汽水。
我们点了一个A餐同C餐，系叫做傻猪猪餐同不良牛餐，好搞笑，汉堡包盒上面仲有贴上猪牛嘅卡通贴纸。
不良牛系经典安格斯芝士汉堡，套餐$98 ，牛肉超级多汁，我呢啲论论尽尽嘅，一咬就咇哂出嚟，好重牛肉味，中间夹咗少少芝士蕃茄洋葱，同牛肉好夹，汉堡包嘅面包都比牛油煎到好香，再索埋我块牛肉嘅汁劲好食。
傻猪猪系日式照烧猪肉汉堡，套餐价都系$98 ，个猪肉系同洋葱先炒匀，再夹入去，我想讲个馅就咁食都已经几好食，加上𠮶啲照烧汁，索埋入个包度，又系好正。
套餐价系可以配鸡翼或者芝士薯条或者香脆薯角，平时好多汉堡包店都要额外俾钱，呢个加$20就变套餐其实好抵因为仲有嘢饮。芝士薯条嘅芝士酱就一般啦，中规中矩，不过薯条本身好粉，好有肉地，又唔㶶。薯角又系一样，唔会炸到硬晒，又系薯肉好多，调味好好唔会太咸。
间餐厅虽然唔大，不过好舒服，星期六日夜晚，中上环唔系好多人，喺度食汉堡包同饮啤酒汽水吹水，又唔会俾人赶，算系唔错。
张贴
