影片
更多
2016-11-22
1379 浏览
尋晚係佐敦收工，開餐唔一定淨係澳牛既，莊士倫敦廣場都係好選擇！樓下見到易拉架6樓有打邊爐，成日食大X口，轉下場先！ 因為無book位，等左15分鐘先入到，我地仲加埋每位$38食刺身任食～ 湯底有好多選擇，靚女同事話想試下藥饍（因為聞到成場都好香藥饍味啊），湯底唔hea架，藥材當然不能少，仲有雞腳，煲到林晒黎食就最正啦！肉類，丸類都係order的，飲品，蔬菜，醬油（留意返，每位要比$5醬油錢）都係外面攞的。先來肉類，因為朋友唔食豬，我地主攻牛肉，牛肉分兩隻，一係手切肥牛，二係美國特級肥牛，手切肥牛色水靚好多，一片片似新鮮牛肉，血紅色顏色鮮豔，美國肥牛相對地比較遜色，白色肥肉部分比較多，望個樣好似好肥，但係烚完放入口我覺得肥牛好啲，爽既有咬口，反而手切肥牛韌左啲，所以我還是推薦美國肥牛！ 另一賣點，呢度有白饍片食，真係值回票價！不過每次黎都比較少，建議大家可以叫多啲！食左白饍片唔使食鯇魚片啦！饍片切得幾薄，烚左一陣就撈起了，食落有啲脆，有口感，仲吸收左藥材味，幾正！自家製響鈴：我絕對相信係自家製，因為口感同外面的不一樣，呢度的比較香口同脆，平時我數123就撈起，都感覺有啲鬆散，
因為無book位，等左15分鐘先入到，我地仲加埋每位$38食刺身任食～
湯底有好多選擇，靚女同事話想試下藥饍（因為聞到成場都好香藥饍味啊），湯底唔hea架，藥材當然不能少，仲有雞腳，煲到林晒黎食就最正啦！肉類，丸類都係order的，飲品，蔬菜，醬油（留意返，每位要比$5醬油錢）都係外面攞的。先來肉類，因為朋友唔食豬，我地主攻牛肉，牛肉分兩隻，一係手切肥牛，二係美國特級肥牛，手切肥牛色水靚好多，一片片似新鮮牛肉，血紅色顏色鮮豔，美國肥牛相對地比較遜色，白色肥肉部分比較多，望個樣好似好肥，但係烚完放入口我覺得肥牛好啲，爽既有咬口，反而手切肥牛韌左啲，所以我還是推薦美國肥牛！
另一賣點，呢度有白饍片食，真係值回票價！不過每次黎都比較少，建議大家可以叫多啲！食左白饍片唔使食鯇魚片啦！饍片切得幾薄，烚左一陣就撈起了，食落有啲脆，有口感，仲吸收左藥材味，幾正！自家製響鈴：我絕對相信係自家製，因為口感同外面的不一樣，呢度的比較香口同脆，平時我數123就撈起，都感覺有啲鬆散，呢個我123後咬一口，係脆卜卜的，唔鬆散，呢個值得推介！手打墨魚滑不是一條的，是一粒粒黎，比較方便，但撈起較難，墨魚滑好煙韌，好香濃的墨魚味！頭先提過菜類要到外面攞，選擇都幾多，油麥菜，生菜，菜芯，生根，金菇，麵有生麵，烏靠，出前一丁，韓國麵都有！但因為太多人出去攞，所以比較亂，通常好快都有店員去整理，大家留意時間去啦！
呢度連生蠔都有得打邊爐，是韓國生蠔！大大隻，烚完撈起都唔算太縮水，一咬啲肉都好似爆醬咁，結實飽滿！加左$38，點少的刺身呢？三文魚厚厚的，有魚香味，最推介呢個！有特別既介紹，就是白玉豚片同泰式生蝦，白玉豚片比較少見啲，白色厚厚的一片片，食落其實起初無乜味，食到尾有少許甘味，應該是魚油香味吧！生蝦，聽睇錯是生蝦，新鮮又夠凍，每片都有獨立的泰式醬，夠晒滋味！食呢個都回本！
由於已經捧住個肚，甜品我只可以食到心太軟同爆谷（係咪其實已經好多啦XD），爆谷好香好脆，又夠晒甜，我食左兩次呀其實！哈！
捧住個肚走，滿足！
张贴
