極尚大瀛喜日本料理

营业中

休息中

晚市停咗咁耐，開返即搵返間放題食下！身為屯門牛，附近比較出色嘅放題好似就喺元朗呢間！嗱嗱聲book咗枱！我自己好鍾意佢嘅刺身選擇非常之多，同埋質素唔差，上枱又快！食多幾轉都仲得！好少放題有得食海膽，佢個手卷細細件，唔會太飽☺️咩都可以食啲佢個花膠冇得輸啦，次次去親都會食！超大舊超足料！仲有蒜蓉蒸扇貝！另外值得一讚就係佢嘅天婦羅，真係即叫即炸，辣口㗎！特別推介蟹棒同蝦！叫到成枱都係嘢，佢嘅燒物都唔錯.炸榴槤波波！超濃嘅榴槤味！見到有酸菜魚，夏天勁想食啲酸酸味嘅嘢！另外甜品飲品雪糕都係任裝！仲有好多選擇！