八章軍 (啟岸) (已結業)

本來係想食燒賣，但係附近冇。

打算食間小食，又冇開。

聽講啟岸巷子嘅八章軍都多人叫外賣，見咁耐冇食過章魚燒，就去試下。

間店好細間，去嗰陣冇其他客人，堂食都有幾個位，不過都係打包返屋企舒服啲。

1

店裡裝修都係日式，如果可以播下音樂會好啲，可能帶旺下！太靜喇，等餐時都有啲悶

等咗10分鐘左右啦，冇其他客人都要等，似係即叫即整。
個盒幾靚喎，仲印有「龍年大吉」，幾有新年節日氣氛。

8粒，大大粒，都好飽肚。
醬汁多，味道恰到好處，甜甜辣辣又唔會太重口味，外脆，餡料豐富。

價錢相宜，抵食小食，有機會試埋其他口味。