嘆炭燒 (新文華中心) (已結業)

地點好近紅磡站，🔥沿住天橋落嚟就見到，夜晚都幾受歡迎因為串燒係新鮮燒。🍢拎到手，仲係熱辣辣。佢哋嘅香燒墨魚嘴幾唔錯，😋好脆口，又有魷魚嘅鮮味。羊肉串都中意，外表灑上咗孜然同麻辣粉。🐑食起身，香口惹味。小食方面我哋叫咗涼拌🥢同埋無骨雞腳。無骨雞腳因為起咗骨，食得好方便。🌶帶有少少辣，有啲似泰式嘅風味。涼拌方面，🐮我叫咗牛柏葉豬肚絲，同埋海帶。講呢個餸都幾適合。因為涼涼地，👍而且撈嘅醬汁都好開胃。