影片
更多
2015-10-23
1315 浏览
明天放假，今晚又係時候盡情食食食。約左朋友出黎吹水，地點就揀就大家嘅旺角～兆萬，係人都識去啦。嘩嘩嘩，好多人等位，好彩朋友早左到一早攞定飛，等多一陣就有位。有分火鍋放題同加埋刺身嘅火鍋放題，價錢相差三十蚊，是晚想食三文魚，一於要埋刺身先。第一round，一點完就好快黎到，鮮甜肥美，刺身選擇頗多，友人愛蝦，大大隻呢。飲品自助，有汽水、涼茶支裝罐裝等。打邊爐必食肥牛，未到話好靚牛，但任食黎講收貨有餘，正。是日海鮮～蠔，雖然連殼上但不是生蠔啦，掉落去卓一卓食得，煲太耐會縮水架。帆立貝，黃鱔，生魚片，豬皮，牛栢葉，花膠等，新鮮！豆腐，打邊爐一流，食時小心熱啦～蔬菜篇～生菜，海帶，木耳，雲耳，蓮藕，冬菇，雞脾菇，好多得揀，無漏單。炸魚皮，脆！牛展，未完全解凍，只好成碟一次擺哂落去了。各類雜丸，打邊爐邊少得佢地，墨汁墨魚丸，包心丸，芝士丸，魚腐，魚角等等。生筋，年糕，蕃茄～手打蟹籽墨魚滑，呢個幾爽口彈牙喎。黑毛豬肉片，好瘦，一啲肥膏都無架。要了簡簡單單嘅蕃茄湯底，好濃蕃茄味，少少酸，同食材好夾，又唔怕太搶味。甜品有雀巢雪糕，自己攞吧，有朱古力，紅豆，芝麻等。分時段收費，最旺嘅七、八、九點超多人等位
嘩嘩嘩，好多人等位，好彩朋友早左到一早攞定飛，等多一陣就有位。
有分火鍋放題同加埋刺身嘅火鍋放題，價錢相差三十蚊，是晚想食三文魚，一於要埋刺身先。
第一round，一點完就好快黎到，鮮甜肥美，刺身選擇頗多，友人愛蝦，大大隻呢。
飲品自助，有汽水、涼茶支裝罐裝等。
打邊爐必食肥牛，未到話好靚牛，但任食黎講收貨有餘，正。
是日海鮮～蠔，雖然連殼上但不是生蠔啦，掉落去卓一卓食得，煲太耐會縮水架。
帆立貝，黃鱔，生魚片，豬皮，牛栢葉，花膠等，新鮮！
豆腐，打邊爐一流，食時小心熱啦～
蔬菜篇～生菜，海帶，木耳，雲耳，蓮藕，冬菇，雞脾菇，好多得揀，無漏單。
炸魚皮，脆！
牛展，未完全解凍，只好成碟一次擺哂落去了。
各類雜丸，打邊爐邊少得佢地，墨汁墨魚丸，包心丸，芝士丸，魚腐，魚角等等。
生筋，年糕，蕃茄～
手打蟹籽墨魚滑，呢個幾爽口彈牙喎。
黑毛豬肉片，好瘦，一啲肥膏都無架。
要了簡簡單單嘅蕃茄湯底，好濃蕃茄味，少少酸，同食材好夾，又唔怕太搶味。
甜品有雀巢雪糕，自己攞吧，有朱古力，紅豆，芝麻等。
分時段收費，最旺嘅七、八、九點超多人等位，建議食早場或宵夜場，平啲又無咁多人。全晚無漏過單，叫嘅野全部黎齊，份量亦足，落完單好快黎到。我同友人每次落單都係寫1份，人少都可食到勁多款唔同野。冷氣足，抽風ok，係個地下油左少少有啲滑。吐下苦水又係滿足嘅一餐，下次試下其他湯底先。
张贴
