The Oyster House (已搬遷) 新店位置

多品種選擇蠔屋今日朋友帶我黎食蠔，估唔到灣仔呢間蠔bar有咁多品種的蠔選擇！餐廳環境雅致，燈光頗為浪漫，連職員都幾風趣幽默仲會主動詢問客人口味從而推薦唔同國家的蠔。今次我地就叫店員發版！店員推薦左3款蠔比我地包括有Tomo M日本，Rollex 南飛，Louet Feisser愛爾蘭每隻蠔肉都新鮮飽滿，店員建議我地順住次序食由味道較淡到濃日本蠔較爲清甜爽口，海水味不會太重但剛剛好，南飛蠔口味明顯已經比日本蠔重並帶有金屬味！最濃的是愛爾的Louet Feisser海水味道極重配上檸檬汁更為鮮甜。以爲餐廳食蠔較為出色，估唔到食物都一樣有水準。蕃茄羅勒水牛芝士顔色吸引，番茄酸酸甜甜很開胃！水牛芝士Q彈帶有淡淡的牛乳味，很適合做前菜。黑松露野菌忌廉湯：餐湯香濃creamy，每一口都能感受濃烈的蘑菇和黑松露的味道炭燒加拿大天然豬鞍：豬鞍脂肪不算多但煎出來不會乾，肉質鬆軟美味。伴隨豬鞍扒的薯蓉隱隱吸收著肉汁的味道。