海港燒鵝海鮮酒家 (已結業)

海港呢排做燒腩仔特價，外賣$58/斤，真的太平！仲限時，3:30-5:00。屋企人話試下，咪乖乖地去排隊買，一去到見到條人龍我算前，後面仲陸續有嚟😰排隊等既時候，叔叔話之前無咁多人，今日唔知乜事咁長龍，我真黑仔！ 雖然準時3:30有得買，而且每人最多買2斤，阿姐係咁切都搞好耐先到我買😪到我啦、到我啦😝😝比咗錢再等切，終於到手了😁 即刻𥄫𥄫，好鬼熱辣辣，叔叔話唔好閂蓋，會焗淋。。。聞到好香，即手拎起一舊擺入口，正呀！皮脆、肉嫩，唔太咸，中間少少肥，瘦位唔會硬，一啖食哂好味呀！而且睇到原塊上，足砰無偷工減料，$58/斤實在無野好講☺️☺️