Honbo (裝修中)

呢排成日自己煮，食得多悶悶地， 叫下外賣啦！放工係灣仔見到一間賣 漢堡包的店， 標榜自己係全香港最好嘅漢堡包店。 我叫咗個漢堡包，同蕃薯條，漢堡包嘅牛肉好厚好多汁，真係真材實料，牛肉完全唔會老，煎得岩岩好，大概7成熟，又好有牛肉味。包裏面仲有煙肉、青瓜、洋蔥同埋生菜，仲有啲沙拉醬味道好夾。不過青瓜5太酸，我個人中意食酸野。食完個漢堡包都好飽，做晚餐完全無問題。另外仲有蕃薯條，蕃薯都幾甜㗎，而且係粗切嘅，返到屋企都熱辣辣。仲送咗隻青檸味梳打水，真係好人。