四點金飯店 (已結業)

今日突然間好想飲茶，決定外賣點心，當時已經差唔多11:00 ，條隊都好長下，基本上都等咗成15分鐘先至到我，我見到阿姐都不時會補點心，但係執嘢嘅程序就有啲慢，不過都算乾淨衛生，因為佢每一個點心都會分開用唔同嘅容器裝上，但係就唔係太環保。我哋叫咗個燒賣、鮮蝦卷、叉燒包、鳳爪，本來諗住嗌鳳爪排骨飯，點知已經賣晒，就要咗個蒸雞飯。個燒賣幾好食，但係鮮蝦卷就一般般，可能好多菜，不過果皮都算脆，叉燒包凍咗啲，個鳳爪幾好食，個雞飯都充滿雞油味。