手拉麵小廚

食小籠包，除咗多汁之外，佢個靈魂就係醋同薑絲一齊食！已經唔係第一次執漏俾我，幾次外賣都執漏咗！有次外賣返到屋企先知冇跟到，其實都覺得愕然，因為嗰陣時都見到好多客人食，諗住佢地忙執漏咗！第二次打電話嗰陣有講，去到拎外賣嗰陣又冇，即時叫姐姐俾返我！第三次就係打電話嗰陣都有講，但今次唔係我本人去拎，幫我拎外賣果個人，話去到即刻包好灑，門口交收！佢話見到餐廳都冇人咁制，重點係餐廳多客小客與否，即係唔係忙先執漏咗！

我打返電話去問其實外賣係咪唔跟，佢哋話唔係，俾漏咗！其實一打開個外賣真係好失望，仲要係唔止一次啦！

其實呢個小籠包都唔平，都要平均10幾蚊一個！真心想問一句小籠包跟醋同薑絲，不是基本嘢嘛？！真係食到好失望，我諗下次外賣小籠包唔會再考慮食呢間.