斯慕奇 (已結業)

行過呢間舖見到勁多人陫隊同不停傳出牛油味，為食嘅我就即刻行去睇下，原來係之前食過類似嘅泡芙棒 見舖頭有3至4人，但可能新開都比較混亂大概等15分鐘就會有一爐整好，之後佢就會按number嗌嘅，新開就20蚊一件，價格相宜。一拎上手已經有好重吉士同牛油味，影完相即刻咬一啖真係超正，外層架好酥脆，上面有d杏仁粒同片，令口感更有層次！入面嘅吉士唔會好甜，小小凍所以做到外冷內熱效果Size都有面咁長，好抵食！