影片
更多
2024-06-20
51 浏览
夏天除咗為大地帶來美腿，有時候明亮嘅天空，亦都會為你帶來好心情。黃昏時間，日落得遲，坐係哩個大廈最高一層，望住落地玻璃，享受微微昏暗既日光，配合清新嘅清酒，厨師為你準備最好食材，此時此刻，就去心情放鬆嘅最好時間。 🍖池魚，油甘魚，鯖魚，蜜拑鯛.，帶子，游水墨魚，赤蝦，日本馬友，A5 wagyu，中拖羅，海膽熱狗，Omakase其實唔駛記咁多野，因為師傅已經幫你準備最好，要記嘅就係自己嘅一啲特別感受。10件壽司，我印象最深刻嘅係帶子，和牛同中拖羅。我明明望住師傅喺帶子上面加左好多檸檬汁，雖然喺咁，但帶子光滑的表面，會冼走好多，又保留適量，令到檸檬汁充份咁樣提鮮柔軟既帶子，師傅好謙虛咁講，加左少少，但係我感覺到誠意滿滿，上面再加上黑色嘅黑炭鹽，果種視覺嘅對比，又再昇華味道。另外我都係第一次睇到師傅喺我面前將原件和牛切片，和牛嘅紋理真係好靚，食嘅時候真係特別開心。同樣地中拖羅作為最後一件壽司(海膽我當手卷)，粉紅色魚肉，靚到真係唔捨得食，入口嘅肥美同融化嘅口感，令人回味。 🍖Omakase 其中必然睇食材新鮮程度，前菜刺身喺餐牌上邊，明明係寫住薄切鯛魚，但係我睇住師傅切左兩件好厚既鰹魚，我含
🍖池魚，油甘魚，鯖魚，蜜拑鯛.，帶子，游水墨魚，赤蝦，日本馬友，A5 wagyu，中拖羅，海膽熱狗，Omakase其實唔駛記咁多野，因為師傅已經幫你準備最好，要記嘅就係自己嘅一啲特別感受。10件壽司，我印象最深刻嘅係帶子，和牛同中拖羅。我明明望住師傅喺帶子上面加左好多檸檬汁，雖然喺咁，但帶子光滑的表面，會冼走好多，又保留適量，令到檸檬汁充份咁樣提鮮柔軟既帶子，師傅好謙虛咁講，加左少少，但係我感覺到誠意滿滿，上面再加上黑色嘅黑炭鹽，果種視覺嘅對比，又再昇華味道。另外我都係第一次睇到師傅喺我面前將原件和牛切片，和牛嘅紋理真係好靚，食嘅時候真係特別開心。同樣地中拖羅作為最後一件壽司(海膽我當手卷)，粉紅色魚肉，靚到真係唔捨得食，入口嘅肥美同融化嘅口感，令人回味。
🍖Omakase 其中必然睇食材新鮮程度，前菜刺身喺餐牌上邊，明明係寫住薄切鯛魚，但係我睇住師傅切左兩件好厚既鰹魚，我含羞答答咁準備問下師傅，點知我都未開口，佢就解釋左係因為返嚟嘅質素未達佢嘅要求，無論如何都想改，而且仲做左煙熏嘅效果，我食多左又有視覺享受，真係賺左，但最重要了解到師傅嘅堅持。我又膽粗粗叫佢比我影下個材料盒，入面材料D 色澤，冇得講，就係新鮮。
🍖差啲唔記得講，個餐仲有埋三串串燒，同埋有真正蘋果肉既蛋卷作甜品，真係好抵食。
🍺✨️我揀左，sake pairing, 酒嘅次序分明，由一開始清新既sparkling sake，到食壽司嘅時候，比較淡口嘅，再到配搭串燒時候比較辛口既，都係非常之夾。平時食甜品嘅時候，餐酒一般會比較甜，今次嘅反而係幽香嘅果味，柔和得黎，反而唔會搶左甜品嘅香甜。
全程都係一個好好既體驗，賞心悅目。
张贴
