Pololi (已結業)

呢間小店開在窄街，店面好細，大部分係廚房，堂食只可以面壁立食！店內裝修簡潔，不過帶帶熱帶夏威夷特色， 因為未到晚餐時間，去到店內無其他客人，店員只有一位操英語男士，佢會問我係唔係第一次幫襯，之後解釋Pololi係夏威夷食物，每款肉都會用牙簽拮比我試，我見佢用不銹鋼兜都唔多魚肉！以為賣晒，原來佢每次只會撈少許，唔夠先再撈！魚肉只有三文魚同吞拿魚，試啱醬汁味道，佢就在我面前撈！睇住呢個店員做嘢都幾放心食物，因為佢每個步驟嘅食具都唔會撈亂用，倒完醬汁會用廚紙抹乾淨個膠桶邊先入雪櫃，好企理!撈好店員𢳂落紙碗！仲比咗張儲分卡，十碗送一碗！ Haiwaiian poke bowl($90)沙律菜新鮮，以菠菜葉為主，沙律汁酸甜開胃，味道清爽，兩款吞拿魚肉新鮮，雖然唔肥，不過質地爽口，加上醬汁辣辣地，帶出海鮮鮮味！開胃！如果想飽肚可以沙律同飯雙拼！第一次食呢種夏威夷碗仔菜！幾新鮮！雖然款式唔係多，不過小店唔使太雜！