喜鍋 海鮮‧火鍋‧小廚 (已結業)

今日去上海街陪個FD睇裙褂，經過見到呢度門口寫住SHARE 社交平台PAGE有88折，超抵!上次同佢食完都覺得呢間喜鍋真係幾高質，所以雖然夏天到但打邊爐既心又俾佢燃燒番!入到去冷氣好足，一D都唔覺得熱，一坐低店員就俾搓手液同口罩紙袋我地，超貼心!睇完MENU叫個鴛鴦湯底就坐定定等食!蟹籽墨魚油炸鬼必叫之選!店員提醒要趁熱食，油炸鬼新鮮脆卜卜，墨魚膠好彈牙，食落口口感豐富，果然係招牌菜!炸魚皮通常打邊爐一定會叫，因為貪佢即食又得，浸落湯幾秒撈起黎食又得，又快又止口痕!呢度既炸魚皮份量超大，最緊要係炸得香脆唔會硬掘掘，食落口一D都唔油膩，忍唔住一塊接一塊咁食，但佢份量之多係兩個人係咁食都食唔哂，勁誇張~唐生菜唐生菜一大盤都只係$28，新鮮爽脆又冇沙，肉眼睇洗得幾乾淨，食都食得安心D!梅菜豬肉丸好特別既肉丸，平時都冇咩機會食到，味道就係梅菜豬肉既味，咸咸地又有咬口，食多多都唔會滯，口感好得意!雪花美國肥牛又係必點菜式，肥牛雪花分佈均勻，淥一淥就撈起，牛味突出，一D都唔韌，一黎到既時候係鮮紅色，感覺非常新鮮!烏冬最後埋尾一定要叫個烏冬食，撈埋湯既精華加醬汁一齊食，真係非常完滿!烏冬滑溜彈牙，食