鰹烏冬 (寶華閣)

喺仲有晚市嘅時候呢間出名嘅烏冬店外排哂大隊，佢哋嘅烏冬有分冷熱，排隊排到㷫熻熻緊係食冷烏冬消消暑啦！

夏一烏冬

烏冬本身質感彈牙完全唔會太軟，但亦都唔會太難咬難，加上檸檬汁、鰹魚汁同青瓜等爽口清新嘅配料，食落酸酸甜甜消暑又清爽！

夏一烏冬

另外個人最喜歡嘅一定係睇住佢即燒嘅嘅骨付雞，雞皮燒到微焦出哂雞油，雞肉又唔會燒到乾哂，惹味！

骨付雞

而天婦羅不過不失，係勝咗多元化有蔬菜同海鮮。

天婦羅

不過今次不巧地有幾款烏冬都賣完，有機會想試埋其他特別啲嘅口味。