HalloLand釣蝦場

营业中

休息中

復活節諗啲活動同屋企人一齊玩，由於夏天已經開始好熱，父母年紀有大，聽朋友講觀塘有間釣蝦，又有冷氣，空間寬敞，大人細路都適合去玩，所以致電之後就book場。就算打電話嘅時候問好多問題，聽電話嘅同事都好詳細同埋好耐心咁樣解釋，就算最尾只係四個人book場1小時，最尾大家都滿載而歸，唔單止玩得開心，連啲蝦都好好食，手掌咁大隻。另外復活節嘅活動如果釣蝦有彩色絲帶，可以參加遊戲，我哋仲贏咗現金券，準備下次再全家一齊去玩，總括而言，釣蝦要有少少運氣，但係唔會釣唔到，如果未試過嘅人可以試一個鐘先，相信大家都會樂而忘返。