影片
更多
2017-08-03
104 浏览
荃新天地二期对面开咗间叫Catee嘅餐厅,门面睇落几有特色.餐厅入面有唔少用猫做主题嘅布置,就连logo都同猫有关.水吧𠮶边嘅瓷砖全部都系猫图案,好吸引.环境灯光昏暗,几有气氛.其中一幅墙度仲挂咗好多幅用猫做主题嘅画.陈设都好用心.我都几钟意呢度嘅环境.呢度嘅晚餐有十几款,包沙律,汤,饮品同甜品,亦都可以散叫,呢次我哋就叫咗几款嘢食嚟试.店员拎咗两只碟俾我哋share嘢食时用,上面嘅图案好靓呀!然后又拎咗篮面包嚟,仲有黑醋橄榄油用嚟蘸面包用,不过如果佢哋将面包烘暖一下嘅话应该会更加美味.晚餐沙律入面有橄榄,紫生菜,紫椰菜等等,而上面一粒粒嘅嘢其实系兰度豆嚟嘅,少见多怪嘅我系第一次食呢种豆,几有咬口,酱汁就酸酸哋几醒胃.餐汤嘅汤质creamy,同埋有少少粉粉哋嘅口感,味道同我晌其他餐厅饮过嘅餐汤有啲唔同,问过店员之后先知原来系兰度豆汤,对我嚟讲都真系几特别.双影带子配黑鱼子嘅带子分咗热食同冻食两款,前者焦香惹味,后者就突显咗黑鱼子嘅咸鲜.晚餐主菜我哋拣咗香煎挪威三文鱼扒,用咗露笋,藤茄,薯蓉等等做伴碟,卖相吸引.三文鱼扒鱼皮煎得香脆,鱼肉有油香,水准唔错.Catee炸三文鱼蛋,店员话呢款
荃新天地二期对面开咗间叫Catee嘅餐厅,门面睇落几有特色.
餐厅入面有唔少用猫做主题嘅布置,就连logo都同猫有关.
水吧𠮶边嘅瓷砖全部都系猫图案,好吸引.
环境灯光昏暗,几有气氛.
其中一幅墙度仲挂咗好多幅用猫做主题嘅画.
陈设都好用心.
我都几钟意呢度嘅环境.
呢度嘅晚餐有十几款,包沙律,汤,饮品同甜品,亦都可以散叫,呢次我哋就叫咗几款嘢食嚟试.
店员拎咗两只碟俾我哋share嘢食时用,上面嘅图案好靓呀!
然后又拎咗篮面包嚟,仲有黑醋橄榄油用嚟蘸面包用,不过如果佢哋将面包烘暖一下嘅话应该会更加美味.
沙律
8 浏览
0 赞好
0 留言
晚餐沙律入面有橄榄,紫生菜,紫椰菜等等,而上面一粒粒嘅嘢其实系兰度豆嚟嘅,少见多怪嘅我系第一次食呢种豆,几有咬口,酱汁就酸酸哋几醒胃.
餐汤嘅汤质creamy,同埋有少少粉粉哋嘅口感,味道同我晌其他餐厅饮过嘅餐汤有啲唔同,问过店员之后先知原来系兰度豆汤,对我嚟讲都真系几特别.
双影带子配黑鱼子嘅带子分咗热食同冻食两款,前者焦香惹味,后者就突显咗黑鱼子嘅咸鲜.
香煎挪威三文鱼扒
12 浏览
0 赞好
0 留言
晚餐主菜我哋拣咗香煎挪威三文鱼扒,用咗露笋,藤茄,薯蓉等等做伴碟,卖相吸引.三文鱼扒鱼皮煎得香脆,鱼肉有油香,水准唔错.
Catee炸三文鱼蛋
14 浏览
0 赞好
0 留言
Catee炸三文鱼蛋,店员话呢款菜式系佢哋用咗唔少时间去研发,虽然话系鱼蛋,但同平时嘅鱼蛋绝对唔一样.
Catee炸三文鱼蛋
8 浏览
0 赞好
0 留言
吉列外皮薄而脆,切开之后仲清楚可见一丝丝三文鱼肉,食落松化兼带汁,蘸埋个酱就酸酸辣辣.
芒果芝士饼
12 浏览
0 赞好
0 留言
晚餐嘅甜品芒果芝士饼酸香滑溜,仲用龙珠果伴碟,几消滞.
朱古力布朗尼蛋糕
28 浏览
0 赞好
0 留言
另外叫埋朱古力布朗尼蛋糕,餐厅特登将佢切成一片片,食落更加方便.质感脆同带啲湿润感,仲跟埋朱古力酱,味浓唔涩,又唔会过份甜腻.
晚餐仲包饮品,惊喜嘅系配Latte唔洗加钱,其他嘅mocktail等等亦只系加$15左右,同同类餐厅相比,改其他饮品嘅收费可以话系几平.
嚟之前以为系间卖外表嘅餐厅,估唔到食物有一定水准,烹调亦见用心,仲俾我见识到兰度豆呢样嘢.另外大部份西餐厅提供嘅清水一般都加柠檬片,而呢度就系加青瓜同青柠叶嘅,饮落既香口又清新,同样系坊间比较少见.
张贴
