鳳城酒家 (已結業)

曾幾何時鳳城酒家一直保持住中上水準嘅酒家，時至今日，連招牌菜式都煮唔返以前嘅質素，炸子雞$180，隻雞本身已經冇雞味，肉質鬆散，似冰鮮貨色，除左炸得脆之外，乜味都冇；明蝦窩貼$98，炸到金黃鬆化，不過係底個件麵包，蝦用雪藏野，唔爽又冇味，當淨食件炸麵包都幾好味，可惜已經大失原意，麵包做主角，明蝦淪為大茄哩啡，鳳凰炒帶子，即係炒芙蓉蛋加帶子$78，帶子毫無疑問又係雪藏帶子，仲係D 雪到冇晒味嘅下價野；瑤柱扒荳苗$98 ，荳苗老過我阿媽，荳梗多過葉，你收人成舊水，我情願你俾細蝶D ，揀返D 老野出黎仲好啦，老板係咪真係咁等錢洗呀？你D 野又唔係平，仲要慳埋少少孤寒錢，不如執左佢仲好啦。