城寨煲皇

营业中

休息中

上星期去咗尖沙咀行街，仲係一心想去呢間bookmark 好耐嘅呢間火鍋店🤩，有好多好評，仲要睇相都好吸引，終於去到呢間城寨煲皇啦🥳最愛食辣嘅我哋就叫咗呢個火辣辣嘅秘制麻辣鍋🌶️，超濃郁嘅湯底，辣味真係唔可以少！好爽😆襯呢個咁正嘅湯底，推薦大家食以下呢兩樣食材，超級入味。❤️‍🔥鮮鵝腸: 鮮鵝腸嘅鵝味香濃，加上入口非常滑嫩，擺咗落麻辣湯底之後非常吸湯，真係邪惡之選！❤️‍🔥日本黑豚肉:好少食牛肉嘅我哋就叫咗呢個黑豚肉，果然係日本出產，豚肉一啲都唔鞋，而且肥瘦比例好平均，入口軟腍。另外，仲叫咗個涼拌麻辣花甲，辣辣嘅味道加上佢係涼拌嘅，越食越滋味，份量仲好多添。