洛奇冰室 (已結業)

🏠啱啱先慶祝完聖誕節，話咁快又就到農曆新年，今日同朋友去咗銅鑼灣辦年貨，行到登龍街時，見到一間裝修時尚嘅靚靚冰室，於是決定先食晚餐然後再繼續辦年貨。洛奇冰室屬於宜家流行嘅新派茶餐廳，仲有個型格大隻佬做logo。佢餐牌上嘅菜式真係包羅萬有，有焗飯、有常餐、有滑蛋飯、有蛋包飯、All day breakfast，仲有佢哋嘅signature重量級洛奇特餐。千揀萬揀之後，我哋就叫左1️⃣ 葱花滑蛋叉燒飯2️⃣ 葱花滑蛋蝦仁飯3️⃣ 菠蘿賓治&雜果賓治💬 整體上食物嘅質素都幾唔錯，款色又夠多，而且份量又夠大，以銅鑼灣黎講性價比都好高。加上位置便利，雖然銅鑼灣都有好多類似嘅新派茶餐廳，但我都會推介大家黎洛奇冰室試下。