影片
更多
2020-10-01
58 浏览
K11 開左間三文治快餐店， 係正牧羊少年 旁邊， 星期六下午tea time 餓得濟，等唔切就試下間新野。 快餐店舖面光猛， 餐牌掛哂出黎，如果睇名唔明有咩， 就建議拎menu 慢慢研究。 係cashier 點餐後拎震機回坐位等拎餐， 可能tea time 少人食，等左陣就有餐喇！歐陸監獄鐵板三文治：有肉丸，通心粉， 流心蛋，薯餅及芝士， 每樣都愛食， 非佢莫屬喇！食落就發現肉丸+通心粉combination 好ikea 感覺，薯餅係漿汁浸泡下係淋哂， 唔仔細搵係唔覺眼。至於流心蛋就有點失望，偏熟無左流心蛋感覺。大隻水手鐵板三文治面包除左用鐵板燒過， 乾身得後又有點煙韌，睇番佢社交平台介紹，原來係用左「湯種法」面團，令到麵包柔軟得黎又有拉絲效果！ 大隻水手款式包括有雞扒，黃瓜，紫椰菜，生菜🥬及流心蛋， 這個流心蛋就有水準喇，蛋黃流哂出黎的！手切薯條🍟及松露醬手切薯條份量還可以，外皮脆但入面係淋/ 粉。至於松露醬則較一般， 松露味比較淡。 飲品- Latte & 伯爵茶鮮奶咖啡Latte 咖啡味唔濃， 但拉花手勢唔錯。 伯爵茶鮮奶則比較甜，相對伯爵茶味淡淡的， 應該落左伯爵茶糖漿。 比
K11 開左間三文治快餐店， 係正牧羊少年 旁邊， 星期六下午tea time 餓得濟，等唔切就試下間新野。
快餐店舖面光猛， 餐牌掛哂出黎，如果睇名唔明有咩， 就建議拎menu 慢慢研究。 係cashier 點餐後拎震機回坐位等拎餐， 可能tea time 少人食，等左陣就有餐喇！
歐陸監獄鐵板三文治：
有肉丸，通心粉， 流心蛋，薯餅及芝士， 每樣都愛食， 非佢莫屬喇！
食落就發現肉丸+通心粉combination 好ikea 感覺，薯餅係漿汁浸泡下係淋哂， 唔仔細搵係唔覺眼。至於流心蛋就有點失望，偏熟無左流心蛋感覺。
大隻水手鐵板三文治
面包除左用鐵板燒過， 乾身得後又有點煙韌，睇番佢社交平台介紹，原來係用左「湯種法」面團，令到麵包柔軟得黎又有拉絲效果！ 大隻水手款式包括有雞扒，黃瓜，紫椰菜，生菜🥬及流心蛋， 這個流心蛋就有水準喇，蛋黃流哂出黎的！
手切薯條🍟及松露醬
手切薯條份量還可以，外皮脆但入面係淋/ 粉。至於松露醬則較一般， 松露味比較淡。
飲品- Latte & 伯爵茶鮮奶咖啡
Latte 咖啡味唔濃， 但拉花手勢唔錯。 伯爵茶鮮奶則比較甜，相對伯爵茶味淡淡的， 應該落左伯爵茶糖漿。 比較下我都係鍾意純粹咖啡☕️！
值得一提店內有個自動洗手機， 由洗手梘液， 沖水及抹手紙一機過，好方便亦衛生！👍🏻
张贴
