大澳德發 (已結業)

$398任食奄仔蟹，星期五、六再加一$438位食啲咁嘅垃圾，啲蟹細到只有一両半至二両半，街市冇見過咁細隻嘅青蟹仔，根本冇一隻係奄仔蟹，最少有三份一又霉又黑又臭，其餘嗰啲完全冇蟹味，當晚只有¼客人， 服務態度非常差一直扮睇唔到聽唔到，等咗15分鐘先攞六隻蟹仔出嚟開始煮，之後仲要煮十幾分鐘才可以食，在order第二輪蟹又等10分鐘佢話要劏蟹喎！其實啲蟹係成隻上唔使劏嘅，一共食咗三輪已經要放棄，因為實在太難食到極限！另外我哋一坐低三個人叫三杯野飲，都要三催四請，15分鐘出頭兩杯漏咗一杯，30分鐘後才出埋第三杯，特別係個子比較高嘅中年男侍應，成晚渾渾噩噩態度極差，催多兩次佢又發晦氣話我只有兩隻手，其實他們生意極差成晚可能都冇五分之一客人，樓上有幾個侍應，服務態度都可以做到咁，好歹我哋每人都要$438，唔係嚟受你氣同食啲咁嘅垃圾囉！其實我哋出嚟食飯嘅次數算係非常多，通常得過且過都算啦！從一些小店至米芝蓮三星，食咗幾十年到差唔多可以攞生果金，今次係我忍不住寫第二次食評，慎入！慎入！