影片
更多
2022-09-15
2114 浏览
假期嘅尖沙咀特別多人，行街shopping買完嘢，同朋友一早嚟食火鍋。餐廳嘅放題套餐有三款，我哋揀咗最貴嘅【特級極上和牛$318】(假日貴$10)，呢個餐而家做緊冇限時優惠，所以我哋早啲入座，諗住可以慢慢嘆慢慢傾。地方寛闊，裝修新凈。先食煲類，二鍋頭惹味雞煲、火焰鴛鴦鴨煲、黑椒豬手煲三款，原來可以三款都試齊晒，好少見。 我哋叫咗個二鍋頭惹味雞煲，店員先問我地要唔要芫茜同食唔食鳯爪，要咗多芫茜嘅雞煲，好快上枱，店員仲幫我哋翻炒添，服務貼心。 雞煲好多雞件，惹味但偏辣。 見隔嚟枱食客食足三款煲類，好似好正咁，太有食力！火鍋揀咗胡椒豬肚雞鍋，奶白色嘅湯底，入面有唔少豬肚，胡椒味香，試咗頭啖湯都覺得好好味，有驚喜！肉類款式好多，豬牛羊雞……尤其係牛當然唔可以錯過。 頂級安格斯牛、美國S R F極黑和牛、本地滑牛，仲有唔同部位選擇：牛小排、牛頸脊、牛板腱、封門柳等等。 最鍾意極黑和牛，好香滑；安格斯牛小排都好出色，不斷encore呀！海鮮當然唔可以錯過，尤其係活海蝦，鮮甜彈牙。 仲有回本之選嘅白鱔片，要不斷叫不斷食，正！火鍋配料選擇多，自己出去夾，乾淨整齊。飲品同雪糕雪條都係無限供應，作戰咗四個
地方寛闊，裝修新凈。
先食煲類，二鍋頭惹味雞煲、火焰鴛鴦鴨煲、黑椒豬手煲三款，原來可以三款都試齊晒，好少見。 我哋叫咗個二鍋頭惹味雞煲，店員先問我地要唔要芫茜同食唔食鳯爪，要咗多芫茜嘅雞煲，好快上枱，店員仲幫我哋翻炒添，服務貼心。 雞煲好多雞件，惹味但偏辣。 見隔嚟枱食客食足三款煲類，好似好正咁，太有食力！
火鍋揀咗胡椒豬肚雞鍋，奶白色嘅湯底，入面有唔少豬肚，胡椒味香，試咗頭啖湯都覺得好好味，有驚喜！
肉類款式好多，豬牛羊雞……尤其係牛當然唔可以錯過。 頂級安格斯牛、美國S R F極黑和牛、本地滑牛，仲有唔同部位選擇：牛小排、牛頸脊、牛板腱、封門柳等等。 最鍾意極黑和牛，好香滑；安格斯牛小排都好出色，不斷encore呀！
海鮮當然唔可以錯過，尤其係活海蝦，鮮甜彈牙。 仲有回本之選嘅白鱔片，要不斷叫不斷食，正！
火鍋配料選擇多，自己出去夾，乾淨整齊。
飲品同雪糕雪條都係無限供應，作戰咗四個鐘，大滿足嘅一晚。
张贴
