鴻福堂 (已結業)

約咗細妹八點半先食晚飯，但係又有少少肚餓，於是喺鴻福堂食個下午茶 。 魚肉燒賣上枱時熱辣辣，都算煙煙靭靭 ，配上辣油豉油，不過不失。但係嗰個鰻魚飯團就真係好難食 ，完全食唔出係鰻魚。裏面啲魚有梅梅地嘅感覺， 唔知自己究竟食緊啲乜嘢囉 ……味道又有啲奇怪， 連鰻魚嘅醬汁都食唔到。 我寧願佢配酸菜肉鬆大路野仲好，唔好搞呢啲花臣嘢 😅😅燕麥豆漿都係麻麻， 唔知係咪翻熱得過熱 ，有陣膠膠地既怪味，都係寧願飲番傳統豆漿好過。好處就係呢度坐得比較舒適，等人好地方。