Simplylife Bakery Cafe (裝修中)

每次行过都觉得呢间餐厅好靓入面应该坐得好舒服，但系唔知点解从来冇入过去😂原来食物质素都系高质，今日叫咗呢个猪鞍架，睇嚟系用咗慢煮嘅手法，真系做到鲜嫩多汁！同时味道亦都好出色，咸香得黎亦都有猪肉嘅鲜味！配合埋佢嘅配菜，奶油瓜蓉同埋自家制意式乳清芝士，成件事非常配合，好好味！另外仲叫咗烤蘑菇忌廉汁手制阔条面，浓郁嘅酱汁加埋口感一流嘅手制阔条面，而且仲要大大碟，虽然啲碟上面嘅香草烤鸡胸略嫌系有一啲柴，但整体嚟讲都好正，两个人食到饱晒！美味程度：😋😋😋😋环境指数：🎇🎇🎇🎇番食机会：🦍🦍🦍🦍📍#SimplylifeBakeryCafe (将军澳)将军澳唐贤街9号PopCorn 1地下G43-45号舖