孟買廚房 (已結業)

成日講九龍城就只係會諗起泰國菜，其實九龍城匯集好多唔同東南亞國家嘅食肆，今次就揀咗印度菜試下。招牌大大隻字寫住Indian cuisine，非常醒目。一入到鋪面就見到呢張好靚嘅Bar table估唔到咖哩雞同咖哩羊都有咁多花款。芒果酸奶 / 甜乳酪其實兩杯都係Lassi， 差别就只係有冇加芒果。Lassi 最緊要飲落夠凍，兩杯都做到，而且亦好夠味。炸羊肉咖哩角 Mutton Samosa最唔鍾意食扁嘅咖哩角，而呢度嘅炸羊肉咖哩角就非常足料，圓卜卜而且外皮非常香脆， 當作前菜一流。燒鯧魚 Pomfret fish燒鯧魚外皮香口又充滿香料味， 入面嘅肉鮮嫩又唔會燒得太乾。薄荷烤餅泡餅加入咗薄荷葉，聞落好香薄荷味，食落有陣淡淡嘅薄荷味。 烤餅整得外脆內軟，淋上咖哩食一流。香草羊肉咖哩 Mutton Curry咖哩唔會太重香料味，亦唔會太辣，非常易入口。芝士烤餅有別於薄荷烤餅，芝士烤餅整體較為軟身，中間夾咗層芝士，就咁食都唔會覺得淡味。